Чувство на постојан умор, бледа кожа, забрзано чукање на
срцето и недостиг на здив – можеби мислевте дека е само последица на стрес и
современиот начин на живот. Но што ако станува збор за нешто друго?
Анемијата, или слабокрвноста, е еден од најчестите
здравствени проблеми, кој погодува милиони луѓе ширум светот. Нашиот организам
постојано бара кислород, а кога црвените крвни клетки не можат да го пренесат
во доволна количина, тоа го чувствува целото тело.
Дали постои природно решение кое може да помогне? Кои
витамини и минерали му се навистина потребни на телото за да ја победи
анемијата?
Што е анемија
и како да ја препознаете?
Анемијата настанува кога телото нема доволно здрави црвени
крвни клетки или хемоглобин – протеинот што го носи кислородот до сите ткива.
Ова состојба може да биде предизвикана од различни фактори, но најчестиот
причинител е недостатокот на железо.
Првиот знак на анемија е хроничен замор кој не поминува ни
по одмор. Можеби забележувате дека немате енергија за секојдневните активности
кои претходно ви биле лесни. Покрај тоа, луѓето со анемија обично имаат бледа
кожа, особено на дланките, ноктите и внатрешната страна на долните клепки.
Други вообичаени симптоми се:
• Забрзана или неправилна работа на
срцето
• Недостаток на здив и вртоглавица,
особено при напор
• Главоболки и тешкотии со
концентрацијата
• Чувство на студ во рацете и нозете
• Кршливи нокти и опаѓање на косата
Кога нивото на хемоглобин паѓа под нормалното, телото не
добива доволно кислород, па срцето мора да работи поинтензивно за да го
надомести недостатокот. Затоа луѓето со анемија често чувствуваат забрзано
чукање на срцето или отежнато дишење.
Зошто
настанува анемија?
Постојат повеќе видови анемија, но сидеропеничната анемија
(предизвикана од недостаток на железо) е најраспространета. Железото е клучен
минерал за создавање хемоглобин, па неговиот недостаток директно влијае врз
способноста за пренос на кислород.
Причини за недостаток на железо:
• Недоволен внес преку исхрана
• Намалена апсорпција
• Зголемени потреби (бременост,
доење, раст кај деца)
• Губење крв (менструација,
внатрешни крварења)
Покрај железо, анемија може да се појави и поради недостаток
на витамин Б12 или фолна киселина. Овие витамини се неопходни за правилно
создавање на црвените крвни клетки.
Комплетната крвна слика може да открие дали имате анемија.
Параметри како број на еритроцити, хемоглобин и хематокрит им помагаат на
лекарите да го одредат типот и тежината на анемијата.
Витамини и
минерали кои ја подобруваат крвната слика
Иако лекарите често препишуваат суплементи со железо,
нивната ефикасност многу зависи од присуството на други витамини и минерали.
Вистинското решение за анемија мора да биде севкупно, комбинирајќи ги сите
хранливи материи кои заедно создаваат „витаминска бомба“.
Железо –
основата на здрава крв
Железото постои во два облика:
• Хем железо (од животински извори) – подобро се апсорбира
• Нехем железо (од растителни
извори) – бара дополнителни фактори за
добра апсорпција
Најдобри природни извори на железо:
• Џигер
и други изнутрици
• Црвено
месо (говедско, јунешко)
• Цвекло
• Махунки
(грав, наут)
• Темно
зелено листесто зеленчук
• Семки
(тиква, сусам, лен)
Витамин Ц –
клуч за апсорпција на железо
Витаминот Ц може да ја зголеми апсорпцијата на железото и до
300%, особено од растителни
извори.
Витамини Б
група (Б12, фолна киселина, Б6)
• Б12 –
учествува во создавање ДНК и зреење на крвните клетки
• Фолна киселина (Б9)
– неопходна за создавање нови клетки
• Б6 –
помага во синтеза на хемоглобин
Извори на витамин Б12: месо, риба, јајца, млечни производи.
Фолна киселина: зелен листест зеленчук, цитруси, махунки, интегрални житарки.
Бакар и
витамин А – заборавени помошници
• Бакарот
помага во апсорпција и транспорт на железото
• Витаминот
А учествува во создавање на крвни клетки
Извори: јатки, семки, темно чоколадо, изнутрици; морков,
тиква, спанаќ.
Природен
еликсир за подобрување на крвната слика
Овој традиционален рецепт е познат како вистинска
„витаминска бомба“.
Потребни
состојки:
• 200
мл мед
• 200
г ореви
• 200
г суво грозје
• 200
мл сок од морков
• 200
мл сок од цвекло
• 2
лимони
Подготовка:
1. Измијте ги лимоните, пресечете ги
и извадете ги семките.
2. Сoмелете ги заедно со кората (ако
е органска).
3. Ставете ја смесата во стаклена
тегла.
4. Додадете мед, сок од цвекло и
морков, добро промешајте.
5. Додадете ореви и суво грозје и
повторно промешајте.
6. Чувајте во фрижидер.
Дозирање:
една супена лажица пред секој оброк, три пати дневно.
Зошто ефикасно
делува?
• Цвекло
– богато со железо
• Морков
– витамин А
• Лимон
– витамин Ц
• Мед
– минерали и ензими
• Ореви
– омега-3, бакар, витамин Е
• Суво
грозје – железо и антиоксиданси
Коприва –
заборавен природен лек
Копривата содржи:
• Многу
железо
• Витамин
Ц
• Витамин
К
• Фолна
киселина
• Хлорофил
Чај од коприва:
2 лажици сушена коприва прелиени со врела вода, оставаат 10–15 минути.
Алтернатива: коприва + мед + какао (какаото го подобрува
вкусот и е богато со железо).
Исхрана богата
со железо
Вклучете:
• Џигер
• Црвено
месо
• Риба
(туна, сардина, лосос)
• Махунки
• Темнозелен
зеленчук
• Јатки
и семки
• Суво
овошје
• Интегрални
житарки
• Јајца
Храна која ја
подобрува апсорпцијата:
• Цитруси
• Бобичесто
овошје
• Црвена
пиперка
• Брокула
Храна која
треба да се избегнува со железо:
• Кафе
и црн чај
• Млечни
производи
• Храна
богата со оксалати (спанаќ)
• Интегрални
житарки богати со фитати
Кога да
побарате медицинска помош?
Обратете се кај лекар ако имате:
• Екстремен
умор
• Вртоглавица
или несвестица
• Забрзано
срце или болка во градите
• Недостаток
на здив
• Силно
бледило
Во некои случаи е потребна медицинска терапија, а не само
природни методи.
Заклучок
Анемијата не мора да го намали квалитетот на вашиот живот.
Со правилна исхрана, природни препарати и соодветна медицинска грижа, можете
значително да ја подобрите крвната слика.
Слушајте го своето тело, не ги игнорирајте симптомите и
комбинирајте ги мудро природните и медицинските решенија.
При појава на симптоми – задолжително
консултирајте се со лекар и постапете согласно неговиот совет.
Извор: vecer.mk
