ЖЕНЕВА (АА) – Високиот комесар за човекови права на Обединетите нации (ОН), Волкер Турк, изјави дека остро го осудува непочитувањето и агресивните акти на палење примероци од Куранот, јавува Анадолу.
Турк се обрати на сесијата за интерактивниот дијалог насловена „Причините за верска омраза што предизвикуваат дискриминација, непријателство или насилство и нејзините ефекти врз човековите права“ во рамките на 54. сесија на Советот за човекови права на ОН.
Тој потсети дека во јули Советот за човекови права одржа специјална итна седница во врска со нападите врз Куранот, насочувајќи го вниманието на фактот дека од тоа време досега во некои земји продолжува јавното палење на Куранот.
„Остро го осудувам непочитувањето и агресивните акти на палење на Куранот, особено оние што поттикнуваат насилство и поделби“, нагласи Турк.
