АЛ-КУДС (ЕРУСАЛИМ) – Високи израелски воени офицери го обвинија политичкото раководство на земјата дека охрабрува ескалација на окупираниот Западен Брег, известува Анадолу.
Тие сметаат дека екстремно десничарскиот министер за национална безбедност Итамар Бен-Гвир и министерот за финансии Безалел Смотрич се директно одговорни за зголемувањето на насилството на окупираната територија, предупредувајќи дека ситуацијата може да ескалира во целосно востание, со голем број млади Палестинци кои веќе се соочуваат со невработеност и недостиг на можности.
„Се обидуваме да го спречиме населението целосно да се приклучи на насилството“, изјави воен офицер за весникот „Једиот Ахронот“, додавајќи дека израелските ограничувања ги влошиле тензиите во областа.
Нападите врз Палестинците од страна на нелегалните израелски доселеници ги принудуваат младите Палестинци да се приклучат на вооружените групи на Западниот Брег, предупредува весникот.
„Оваа ситуација не може да продолжи. Ние сме на работ на голема експлозија во Јудеја и Самарија (Западниот брег)“, изјави друг висок воен офицер.
Израелските офицери предупредија дека провокациите од страна на владините претставници, како што е упадот на Бен-Гвир во џамијата Ал Акса и неговите обиди да дозволи еврејски молитви во средиштето на жариштето, претставуваат ризик од распламтување на тензиите на Западниот Брег и низ целиот арапски свет.
Минатата недела, израелската армија ја започна својата најголема воена операција во северниот дел на Западниот Брег во последните две децении, во која се убиени најмалку 40 Палестинци и предизвикувајќи огромни уништување во тоа подрачје.
Тензиите се зголемија низ окупираниот Западен Брег во период кога Израел продолжува со офанзивата врз Појасот Газа, во која од 7 октомври минатата година уби повеќе од 40.900 Палестинци, главно жени и деца.
Најмалку 692 лица се убиени, а повеќе од 5.700 се ранети од израелски истрели на окупираниот Западен Брег, објави палестинското Министерство за здравство.
Извор: Anadolu Agency (AA)
