Украинскиот претседател Володимир Зеленски вчера објави дека од Турција се враќа со петте воени команданти на „Азовстал“ кои беа заробени од руската војска пред повеќе од една година. Тие беа свечено пречекани дома, а дел од борците на прес-конференција зборуваа за своите искуства во Турција.
„Сакам да му се заблагодарам на господинот претседател, неговиот тим, одбранбените сили и секој војник што ја бранеше нашата татковина и продолжи да се бори против окупаторите на првите линии додека бевме заробени. Ова е огромен придонес за нашата независност и борбата за нашата земја“
рече Денис Прокопенско, командант на Азовскиот полк.
Како што пренесува Си-ен-ен, војниците споделиле и дека нивниот мотив за истрајност е што украинската армија ја презеде стратегиската иницијатива на линијата на фронтот и оди напред секој ден. Најавија враќање на бојното поле.
„Ние ќе продолжиме да ја работиме нашата работа. Ние сме воени лица. Положивме заклетва“,
рече заменик-командантот Свјатослав Паламар.
This video shows Denys Prokopenko, commander of the Azov Regiment, delivering a speech in Ukrainian upon the Azov Regiment’s return to Lviv from Turkey, where they had been kept after a prisoner exchange between Ukraine and Russia. pic.twitter.com/0cOGnfgvR7
— The Kyiv Independent (@KyivIndependent) July 8, 2023
По одлуката за враќањето на командантите во Украина, реагираше Русија со осуда на овој чин бидејќи, според договорот за размена на затвореници, заробените команданти во Турција требаше да останат до крајот на војната.
„Враќањето на лидерот на „Азов“ од Турција во Украина не е ништо друго туку директно прекршување на условите на постоечките договори“,
изјави за РИА новости портпаролот на Кремљ, Дмитриј Песков.
Фабриката „Азовстал“ беше последниот бастион на украинската одбрана во пристанишниот град, кој на крајот падна во рацете на Русија во мај 2022 година. Со посредство на Анкара, заробените команданти во септември лани беа ослободени и однесени во Турција.
Извор: 360stepeni.mk
