(ВИДЕО) Во пукање пред трговски центар во Илиноис повредени повеќе од 20 лица

Во нападот повредени се повеќе од 20 лица, а мотивот за престрелката сѐ уште не е познат

Непознат напаѓач отворил оган пред трговски центар, каде имало најмалку 200 луѓе, во Вилоубрук во американската сојузна држава Илиноис.

Во нападот, според „Дејли маил“, загинато е едно лице, а најмалку 20 се повредени.

Според извештаите од локалните медиуми, две лица кои биле застрелани се во критична состојба.

Пукањето се случило околу 12:30 часот на рутата 83 во близина на Хонисукл Лејн во Вилоубрук, Илиноис.

Мотивот за престрелката сѐ уште не е познат.

Според американските медиуми напаѓачот наводно почнал да пука на улицата пред трговскиот центар, каде во тоа време имало меѓу 200 и 300 луѓе, претежно тинејџери и млади, кои се собрале за да го прослават крајот на учебната година.

Во видеото објавено на социјалните мрежи од „Инсајдер тајмс“ може да се види дека на терен има полициски екипи, а голем број луѓе се обидуваат панично да избегаат од трговскиот центар и од пукањето.

BREAKING: Active shooter in #Willowbrook, #Illinois. At least 17 people shot in a mass shooting. pic.twitter.com/AV93tSDUr8
— Insider Times (@Insider_Times) June 18, 2023