„Вакво нешто сме виделе само на филм“, коментираа љубопитните граѓани вечерва беа спроти големиот пожар на качанички пат во скопско Визбегово.
Таму беше и екипа на ТВ21 која со дрон во живо ја пренесуваше атмосферата и справувањето со пламените јазици.
Вкупно четири шлепери беа зафатени од пожарот, од кои два речиси целосно изгореа.
Иако дронот со кој снимаше ТВ21 е согласно позитивните законски регулативи, сепак проблем при нашето известување правеше раководителот на смена од полициската станица во Чаир, кој пристигна вознемирен, откако претходно други полициски служебници ја легитимираа нашата екипа.
Дрскиот однос кон новинарските екипи е недозволен. На нив треба да им се овозможи непречено да известуваат за јавниот интерес.
ИЗВОР: ТВ 21
