(ВИДЕО) Ролеркостер излета од шините во забавен парк во Стокхолм, едно лице загина

Телевизијата СВТ, повикувајќи се на очевидци, објави дека до несреќата дошло кога вагон на ролекостерот делумно излетал од шините за време на возењето

Едно лице загина, а неколку се повредени во несреќа што се случи во неделата во „возот на смртта“ во забавниот парк Грон Лунд во Стокхолм, јави агенцијата ТТ, повикувајќи се на изјава од портпаролот на паркот.

Телевизијата СВТ, повикувајќи се на очевидци, објави дека до несреќата дошло кога вагон на ролекостерот делумно излетал од шините за време на возењето.

Во забавниот парк веднаш биле испратени возила на брза помош, противпожарни возила и хеликоптер, а полицијата соопшти дека ги истражува деталите за несреќата.

Maybe accident in #grönalund #tivoli #Stockholm pic.twitter.com/ILyry41VAL

— 🎙📻🎛☮️✌️🌳✨ (@functionist) June 25, 2023

Администрацијата на Грон Лунд соопшти дека паркот стар 140 години ќе биде затворен.

Џени Лагерштет, новинарка која случајно се нашла во паркот со членовите на нејзиното семејство во моментот на несреќата, изјавила за СВТ дека слушнала бучава и забележала дека конструкцијата на шината силно се тресела во моментот на несреќата.

„Мојот сопруг виде како вагонот од ролекостерот со луѓе во него паѓа на земја“,

рече Лагерштет.

Ролеркостерот „Џетлајн“ со челична патека достигнува брзина до 90 километри на час и висина од 30 метри, превезувајќи повеќе од еден милион посетители секоја година, се вели на страната на забавниот парк.

Фото: EPA-EFE/Claudio Bresciani/TT SWEDEN OUT