Американскиот геолошки институт (USGS) го регистрираше земјотресот во 7:34 часот по локално време. Епицентарот бил во близина на Сан Хозе дел Палмар во департманот Чоко, на длабочина од 107 километри.
Според првичните информации, загинале најмалку 60 лица и причинета е голема штета.Од минута во минута расте бројот на загинати повредени.
Најмалку 82 лица загинаа во силниот земјотрес со јачина од 7,4 степени што ја погоди Колумбија. Бројот на жртви нагло се зголеми по пристигнувањето на новите податоци од Переира, еден од градовите што претрпеа најголеми штети. Шефот на локалната полиција, Оскар Леонел Очоа, изјави за „Каракол радио“ дека само во Переира загинале најмалку 47 лица. Градоначалникот Маурисио Салазар претходно соопшти дека има 40 загинати, додека властите во департманот Рисаралда претходно известија за 42 жртви на територијата на целиот департман. Очоа исто така наведе дека во Переира се урнале повеќе од 60 згради, а можно е и повеќе од 70. Потрагата низ урнатините сè уште трае.
Manizales, Colombia. Terremoto. pic.twitter.com/BzKcaWIHm1
— Jupac (@Jupacg) August 10, 2026
Се шират снимки од урнати згради. Во градот Кали се урнаа 20 згради. Гувернерката на департманот Чоко, Нубија Каролина Кордоба Кури, потврди дека од главниот град Кибдо пристигнуваат информации за повредени лица и „сериозни оштетувања на згради“.
🇨🇴 TERREMOTO EN COLOMBIA 🇨🇴
Daños enormes en Pereira y varias ciudades del país tras potente terremoto de magnitud 7,4.
🇨🇴 | COBERTURA ININTERRUMPIDA.
🇨🇴 | AHORA en @AlertaNews24. pic.twitter.com/PydNenQcVu— Alerta News 24 (@AlertaNews24) August 10, 2026
Таа исто така предупреди на можноста од последователни потреси.
🇨🇴 | URGENTE: Momento del derrumbe de un edificio de 3 pisos tras el terremoto de magnitud 7,4 en Pereira, Colombia. pic.twitter.com/r3v2lW5pU3
— Alerta News 24 (@AlertaNews24) August 10, 2026
Поради последиците од земјотресот, привремено е запрен воздушниот сообраќај на шест аеродроми во Колумбија.
Според Националната агенција за цивилно воздухопловство, пријавени се штети на аеродромите во Переира, Манизалес, Кибдо, Арменија, Картаго и Буенавентура. Сите летови од тие терминали моментално се суспендирани.
🇨🇴 | URGENTE: Edificio de 4 pisos derrumbado en Cali, Colombia. pic.twitter.com/XbvMiYOPzo
— Alerta News 24 (@AlertaNews24) August 10, 2026
На меѓународниот аеродром „Матекања“ во Переира, дел од покривот се урна во просторот за патници. Засега нема официјални информации дали има повредени во инцидентот. Екипи за спасување се на терен, а властите продолжуваат да ја проценуваат штетата и да ги проверуваат објектите, додека постои стравување дека бројот на повредени и обемот на материјалната штета би можеле да бидат поголеми.
Извор: vecer.mk
