(ВИДЕО) Пукање во САД на матурска вечер, загинаа матурант и татко му, петмина се ранети

По пукањето двајца мажи се приведени. Пукањето се случило нешто по 17 часот по локално време во кампусот на Универзитетот Вирџинија Комонвелт, каде што се одржувала локалната церемонија на дипломирање, изјавија за новинарите привремениот началник на полицијата во Ричмонд, Рик Едвардс и други официјални лица

Две лица загинаа, а пет се ранети во пукотница што се случила вчера во парк во Ричмонд, Вирџинија, додека матуранти и нивните семејства излегувале од сала каде имало матуркса прослава, соопшти полицијата.

По пукањето двајца мажи се приведени. Пукањето се случило нешто по 17 часот по локално време во кампусот на Универзитетот Вирџинија Комонвелт, каде што се одржувала локалната церемонија на дипломирање, изјавија за новинарите привремениот началник на полицијата во Ричмонд, Рик Едвардс и други официјални лица.

Но, еден од осомничените бил ослободен бидејќи полицијата верува дека тој не бил вклучен во нападот.

🚨#BREAKING: Mass shooting at Virginia Commonwealth University’s during high school graduation ceremony⁰
📌#Richmond | #Virginia

Currently multiple law enforcements are on scene of a mass shooting that took place during a high school graduation ceremony in Monroe Park on the… pic.twitter.com/18sEoB973z

— R A W S A L E R T S (@rawsalerts) June 6, 2023

Починале 18-годишен матурант и неговиот 36-годишен татко, пишува Би-би-си. Еден од осомничените има 19 години, изјавил Едвардс.

„Полицијата верува дека 19-годишникот познавал барем една од жртвите“,

рекол тој.

Дали ништо повеќе не е свето, запрашал на прес-конференција градоначалникот на Ричмонд, Левар Стони.

„Детето треба да може да оди на матура и да ужива во успехот со пријателите и семејството. Ова пукање е себичен чин“,

рекол градоначалникот Стони, пренесе Би-би-си.

Фото: Илустрација / EPA-EFE/SHAWN THEW