За да се справи со немирите, од вечерва повеќе региони во Франција воведоа мерки на претпазливост
Трета ноќ по ред избувнаа протести низ Франција откако во вторникот полицаец уби тинејџер во Нантер.
Според медиумските извештаи во Марсеј се уапсени три лица во судири на демонстрантите со полицијата.
Видеата и сликите на социјалните мрежи покажуваат дека на неколку места за запалени купишта со ѓубре, а полицијата употребила солзавец за да ја растера толпата.
Весникот „Монд“ објави дека еден офицер е пренесен во болница откако бил повреден од демонстрантите.
🇫🇷💥 FLASH | C’est le chaos à #Marseille, les forces de l’ordre et les pompiers sont débordés. pic.twitter.com/Z2j88dMLkt
— Cerfia (@CerfiaFR) June 29, 2023
Полицијата од Лил, пак, уапсила шест лица во близина на границата, наведе новинската агенција АФП.
Нереди има и во Тулуз каде, според „Ле Монд“, подметнати се и пожари, но засега нема апсења.
Le RAID utilise des blindés mais également des quads à Lille #Nanterre #Nahel #emeutes pic.twitter.com/6jDmCEp5s7
— Anonyme Citoyen (@AnonymeCitoyen) June 29, 2023
За да се справи со немирите, од вечерва повеќе региони во Франција воведоа мерки на претпазливост.
Автобусите и трамваите во Ил-де Франс престанаа да сообраќаат во 21 часот по локално време, а во Компиен во северниот регион Оазе, пак, во 22 часот започна полициски час за децата под 16 години, а ќе трае до 6 часот наутро. Истата мерка ќе биде на сила до понеделник и таа значи дека малолетници помали од 16 години не смеат да излегуваат без придружба на родител или старател.
Во предградието Кламарт, пак, е воведен полициски час за сите и тој трае од 21 до 6 часот и ќе трае до понеделник.
Извор: 360stepeni.mk
