Времето воопшто не се смирува во централниот дел на САД, познат по разорните торнада. Според метеоролозите, оваа сезона на торнада е посебна затоа што се забележани необични вртлози кои неочекувано го менуваат правецот или ги преминуваат сопствените патеки и на тој начин двапати ја погодуваат истата област, што се случува многу ретко.
Најновата вест доаѓа од државата Оклахома каде е забележано торнадо широко 1,6 километри и дува со брзина од 250 км/ч.
I was sent this video by Barnsdall, Oklahoma resident @CalebEaves9 as the tornado entered town. He says his family is okay but much of the town is being evacuated because of gas leaks. They appreciate prayers for the town. #barnsdall #tornado @NWSNorman pic.twitter.com/PnBgiqQoOm
— LoriGrace (@lorigraceaz) May 7, 2024
Националната метеоролошка служба издаде предупредување за „екстремно опасна ситуација“ за делови од земјата до 5 часот наутро по локално време во вторник.
„Оклахома ќе биде уништена“, напишаа локалните жители на социјалните мрежи.
Според првите информации има жртви, но точниот број засега е невозможно да се каже. Особено тешко е погоден градот Барнсдал со околу 1.000 жители. Според Њујорк Тајмс, неколку лица се хоспитализирани, а десетици возила на брза помош се на терен. Големи делови од Оклахома се без струја.
Извор: alsat.mk
