Српските медиуми пишуваат дека меѓу ранетите има и деца, како и полицаец
Ново пукање вечерва ја потресе Србија. Во селото Дубона кај Младеновац ранети се седум луѓе, а полицијата и екипи на брза помош се наоѓаат на местото на настанот, пренесува новинската агенција Танјуг.
Порталот „Телеграф“ првично јави дека пријавата во полиција пристигнала кратко по 23 часот, а неофицијални информации говорат и дека меѓу ранетите има и деца.
Истиот медиум, подоцна објави и дека, покрај седуммината ранети, убиени се и две лица. Била распишана и потерница по момче со иницијали У.М. на возраст од 21 година.
Наводно, тој избегал со возило „мерцедес“ од кое и пукал најверојатно со автоматска пушка.
Истите информации, ги пренесуваат и повеќе други медиумите во Србија. „Блиц“, повикувајќи се на свои извори, наведува дека можно е да има и повеќе жртви.
Меѓу потешко ранетите, како што неофицијално пренесува телевизијата Н1, е и полицаец.
„Новости“, пак, пишува дека убиените се полицаец и неговата сестра.
На социјалните мрежи кружи и видеоа кои го пренесуваат медиумите, а на кое се гледаат десетици автомобили на полицијата, специјалните единици и Итната медицинска помош како се движат од Белград кон Младеновац.
Вечерашното пукање доаѓа откако вчера во основно училиште во Белград ученик (13) уби девет лица – чуварот и осум ученици.
Извор: 360stepeni.mk
