(ВИДЕО) Ново издание на 360°: Ќе се повтори ли изборната трка за шеф на државата од 2019 г. – интервју со Пендаровски

Погледнете го новото издание на емисијата „360 степени”, емитувано на 11 декември 2023 г. на МРТ 1, во кое гостува претседателот на државата Стево Пендаровски

„Ако ме прашувате денес, декември, шансите да се кандидирам се поголеми отколку да не се кандидирам“, вели шефот на државата Стево Пендаровски во новото издание на емисијата „360 степени“ емитувано на МРТ 1. Разговараме за можноста да се повтори изборната трка за претседател на државата од 2019 г. (Пенадровски – Силјановска), политичкиот договор за двојни избори на 8 мај и колку тоа му одговара на Пендаровски ако повторно биде кандидат. Тема е и случајот со убиствата на Вања Ѓорчевска и Панче Жежовски, реакцијата на МВР, текот на истрагата, наводите од ВМРО-ДПМНЕ за нејзино доцнење, екстрадицијата на Љупчо Палевски од Турција… Пендаровски го прашуваме и за изјавите на помошник-државниот секретар на САД, Џим О’Брајан, кога и во какви околности може да се случат уставни измени, проблемите во судството и со корупцијата, злоупотребата на европското знаме, неговото појавување во изборен спот на Александар Вучиќ, потпевнувањето на „Земјо македонска“…