Погледнете го новото издание на емисијата „360 степени“, емитувано на 16 октомври 2023 г. на МРТ 1, во кое гостуваат иницијаторот за формирање на партијата Движење ЗНАМ, Максим Димитриевски, и лидерот на партијата Демократско движење, Изет Меџити
Во „360 степени“ објавуваме интервјуа со Максим Димитриевски и Изет Меџити. Со градоначалникот на Куманово и иницијатор за формирање на новата политичка партија Движење ЗНАМ – за наша Македонија, разговараме за тоа кои се луѓето што седеа до него на минатонеделниот настан за најава на новиот субјект, зошто отсуствуваше уставното име, за односите со Бугарија, Преговарачката рамка со ЕУ, дали бугарска војска учествувала во ослободувањето на Куманово во 1944 година, идеолошкото позиционирање на новата партија, неговиот став за правата на ЛГБТИ-луѓето…
Со Изет Меџити, пак, пратеник и лидер на новата партија Демократско движење разговараме за изборните шанси на обединетата опозиција кај Албанците во однос на ДУИ, прашањето за уставните измени (како услов за евентуална соработка со ВМРО-ДПМНЕ или со СДСМ по изборите), за наводите за негови бизнис-врски и влијанија, за тоа дали има (зло)употреба на стари архивски броеви за легализирање нови дивоградби во Чаир, за неговиот став за војната меѓу Израел и Хамас, радикализацијата на верска основа во Чаир…
ИЗВОР: 360stepeni.mk
