(ВИДЕО) Молел за помош, а полицијата го држела на земја: Почина роднина на соосновачот на „Животите на црните луѓе се важни“

January 13, 2023
2 mins read

Полициската управа во Лос Анџелес објави видеоснимка од камерите на полицајците од инцидентот што се случил на 3 јануари, а на која се гледа како Андерсон моли за помош додека полицајците го држат наземи

Кинан Андерсон, братучед на соосновачот на „Животите на црните луѓе се важни“ (Black Lives Matter), Патриша Кулорс, почина неколку часа откако полицијата во Лос Анџелес врз него неколкупати употреби пиштол за онеспособување и го држеше на улица.

Андерсон, 31-годишен професор, починал во болница во Санта Моника, јавува Би-би-си.

Полициската управа во Лос Анџелес објави видеоснимка од камерите на полицајците од инцидентот што се случил на 3 јануари, а на која се гледа како Андерсон моли за помош додека полицајците го држат наземи. Во еден момент може да се слушне како вели дека полицијата се обидува да го убие како Џорџ Флојд, алудирајќи на полициското убиство на Афроамериканец во Минеаполис, Минесота, во мај 2020 година.

Шефот на полицијата, Мишел Мур, на прес-конференција во средата објави дека Андерсон извршил кривично дело кога направил сообраќајна незгода и избегал од местото на настанот. Тој рече дека Андерсон се обидел да „влезе во автомобилот на друго лице без негова дозвола“ за да побегне од местото на настанот. Најпрво тој наводно ги следел инструкциите на полицијата, но како што пристигнувале повеќе полицајци, тој станал и истрчал на улица, игнорирајќи ги барањата да застане.

Пиштолот за онеспособување првично бил користен врз Андерсон околу 30 секунди, откако полицаецот постојано го предупредувал да престане да се спротивставува на апсењето, додека другите полицајци го држеле, а пиштолот бил употребен уште еднаш околу пет секунди. Итната помош пристигнала околу пет минути подоцна, соопшти полицијата и го однела Андерсон во локалната болница. Тој починал околу четири и пол часа подоцна откако доживеал срцев удар, наведуваат од полицијата.

Причината за смртта на Андерсон, кој живеел во областа Вашингтон и бил во посета на Лос Анџелес, не е официјално утврдена. Токсиколошкиот извештај спроведен од полицијата покажа дека Андерсон бил позитивен на канабис и кокаин.

Патриша Кулорс, соосновач на „Животите на црните луѓе се важни“, која е поврзана со Андерсон, рече дека нејзиниот роднина побарал помош, но не ја добил.

„Мојот братучед се исплаши за својот живот. Во последните 10 години тој беше сведок на движењето против убиствата на црнците. Знаеше што е во прашање и се обидуваше да се заштити. Никој не сакаше да го заштити“,

рече Кулорс повикувајќи го началникот на полицијата во Лос Анџелес да поднесе оставка.

Полицијата соопшти дека го забрзала објавувањето на видеото за време на апсењето на Андерсон поради јавниот интерес истакнувајќи дека процесот обично трае 45 дена.

Снимката го зголемува притисокот врз полицијата во Лос Анџелес, чии акции насочени кон Афроамериканците и малцинствата резултираа со три смртни случаи за помалку од една недела.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Фото: Се уредува зеленилото на кејот на Вардар

Следно

Статистиката вели: Во Македонија е најлесно да избегаш од затвор од цела Европа

Latest from Blog

Меџити: Чаир ќе добие современа инфраструктура за заштита од пожари

Првите вицепремиер и министер за животна средина, Изет Меџити, денес го презентираше проектот за изградба на Територијална пожарникарска станица во Општина Чаир, инвестиција која ќе ја зголеми безбедноста и заштитата на животот

По 300 години, „синиот змеј“ повторно забележан во Средоземното Море

 Овој вид полжав без школка, којшто се одликува со своите светлосини и сребрени нијанси, природно ги населува отворените води на Атлантскиот, Тихиот и Индискиот Океан. Неговото присуство во Средоземното Море, затоа, предизвикува

АЛБАНСКАТА ВИ-МИНИСТЕРКА СЕ ЈАВИ СО ПОРАКА „ Мојата мисија е што повеќе да ја олеснам работата на владата “

Премиерот Еди Рама преку објава на социјалната мрежа Фејсбук информираше дека Диела, првата државна министерка за вештачка интелигенција во Албанија, отворила своја официјална страница на оваа платформа. „Диела сега има и своја

Ана и Игор Дурловски – македонски песни со светска виртуозност во Битола

Синоќа, платото пред Офицерскиот дом во Битола беше исполнето со овации за оперските уметници Ана и Игор Дурловски, кои го изведоа концертот „Песни од срцата“. Стари македонски изворни песни беа отпеани со
Go toTop