Полицијата соопшти дека ја добила пријавата од лица кои го забележале дивото животно во регионот Потсдам во предградието на Берлин. Во моментот кога била забележана, лавицата наводно нападнала дива свиња
Германските власти рано утринава ги предупредија жителите во регионот јужно од Берлин да не ги напуштаат своите домови бидејќи диво животно, за кое се верува дека е лавица, е забележана како се шета во југозападниот дел на германската престолнина.
„Ве молиме, избегнувајте да ги напуштате домовите поради избегано диво животно во областа Клајнмахнов, Телтоу и Стансдорф и внесете ги и вашите миленици во домот. Нашите колеги ја проверуваат ситуацијата“,
објави локалната полиција во четвртокот наутро, пренесе Си-ен-ен.
Полицијата соопшти дека ја добила пријавата од лица кои го забележале дивото животно во регионот Потсдам во предградието на Берлин. Во моментот кога била забележана, лавицата наводно нападнала дива свиња.
German police are asking people near Berlin to stay inside after a big cat, believed to be a lion, was seen pic.twitter.com/1tspcIikrQ
— BNO News (@BNONews) July 20, 2023
Германските власти трагаат по животното со хеликоптери, а во во акцијата учествуваат и ветеринарни специјалисти и ловџии. Потрагата е насочена главно во областа Клајнмахнов во јужната периферија на Берлин. Местото има околу 20 000 жители.
Извор: 360stepeni.mk
