(ВИДЕО) Извлечени остатоци од подморницата „Титан“

Огромните метални парчиња веднаш биле покриени со церади пред крановите да ги подигнат на камиони кои ги носат на проценка

Делови од туристичката подморница „Титан“ се извлечени од дното на Атлантикот откако таа се распадна пред десетина дена при нуркање до потонатиот брод „Титаник“, при што загинаа пет лица.

Металните остатоци од подморницата „Титан“ се истоварени од бродот „Хоризонт Арктик“ во Сент Џонс, Канада.

Огромните метални парчиња веднаш биле покриени со церади пред крановите да ги подигнат на камиони кои ги носат на проценка.

Претставници на американската крајбрежна стража изјавија дека рамката за слетување на потопната подморница и задниот капак биле пронајдени меѓу остатоците.

Пет лица загинаа, меѓу кои и тројца британски државјани, кога подморница претрпе катастрофална експлозија додека се обидуваше да се спушти до остатоците од Титаник.

Потрагата по исчезнатата подморница започна на 18 јуни, а делови од остатоците беа пронајдени на околу 487 метри од остатоците на „Титаник“ пет дена подоцна на длабочина од околу 3 800 метри.

На туристичката подморница исчезна во близина на потонатиот брод „Титаник“ во средината на Атлантикот, а целосен траг и беше изгубен еден час и 45 минути по нурнувањето.

Станува збор за подморница која може да се спушти на длабочина од 4 000 метри. Нејзините димензии се 670 сантиметри должина, 280 сантиметри висина и 250 сантиметри широчина. Може да обезбеди поддршка од 96 часа за петчлена екипа. Се движи со брзина од околу 3,5 милји на час, односно 5,6 километри на час.  

Освен за носење нуркачи до потонатиот брод „Титаник“, подморницата се користи за истражување и инспекција на локацијата, истражување и собирање податоци, филмска и медиумска продукција и тестирање хардвер и софтвер на длабочина.