Човекот наводно планирал да го разнесе автомобилот на Аксјонов, но бил фатен како ја извлекува бомбата од скривалиштето
Безбедносните сили спречија обид за атентат врз шефот на Крим, Сергеј Аксјонов, соопшти руската Федерална служба за безбедност (ФСБ). Уапсен е државјанин на Русија, роден во 1988 година, кој бил регрутиран од СБУ и кој поминал курс за извидување и субверзивни активности на територијата на Украина, вклучително и обука за мински експлозиви, се вели во соопштението.
Човекот наводно планирал да го разнесе автомобилот на Аксјонов, но бил фатен како ја извлекува бомбата од скривалиштето. ФСБ отвори кривична постапка за обид за терористички напад и нелегално набавување експлозиви. Тие тврдат дека осомничениот го признал делото, пренесува руската државна новинска агенција РИА.
Russia’s FSB says it stopped an assassination attempt on Russian-installed head of Crimea Sergey Aksyonov, organized by the Ukrainian special services.
“A Russian citizen was detained, who was recruited by the SBU and who was trained in Ukraine in mine-explosive business.” pic.twitter.com/ftjtumL7XA
— Clash Report (@clashreport) July 3, 2023
Инаку, во мај беа објавени извештаи и за спречената серија терористички напади на Крим, кои, меѓу другото, беа насочени и кон Аксјонов, претседателот на собранието Владимир Константинов и градоначалничката на Јалта, Јанина Павленко. ФСБ тогаш го обвини Роман Машовец, заменик-шефот на кабинетот на Владимир Зеленски дека е директен организатор на терористичките напади.
ФСБ објави и видео од сослушувањето во кое уапсениот признава дека планирал да го разнесе автомобилот кога поминувала поворката на Аксјонов.
„Во декември 2022 година бев регрутиран од специјалната служба на Украина и кураторот Игор, добив повик и поминав обука на полигонот за субверзивни работи, маскирање, избегнување прогон и слично. Добив задача да одам на Крим, во Симферопол. За почеток, требаше да изнајмам куќа, да купам телефон, да се вработам. Секој ден контактирав со Игор чекајќи дополнителни инструкции. Ја чекав адресата на која се наоѓаше автомобилот за да поставам мина во него. Подоцна требаше да го поставам овој автомобил на улицата ‘Севастополскаја’ за да ја разнесам поворката на Сергеј Аксјонов Валериевич“,
вели осомничениот.
Извор: 360stepeni.mk
