(ВИДЕО) Фон дер Лајен: Мора да го зајакнеме партнерството со НАТО, безбедноста на Европа е загрозена

Таа, исто така, ја истакна важноста да се задржи „притисокот врз Кремљ“ при што нагласи дека ЕУ наскоро ќе воведе санкции за земјите, вклучувајќи ги Белорусија и Иран, кои воено ја поддржуваат руската војна во Украина

По денешното потпишување на заедничката декларација со Европската Унија, НАТО вети дека ќе ја зголеми поддршката за Украина. Генералниот секретар на НАТО, Јенс Столтенберг, изјави дека стратегиското партнерство меѓу ЕУ и НАТО е поважно сега од кога било, пишува Си-ен-ен.

„Мораме да продолжиме да го зајакнуваме партнерството меѓу НАТО и Европската Унија и мора дополнително да ја зајакнеме нашата поддршка за Украина“,

рече Столтенберг во Брисел по потпишувањето на третата заедничка декларација ЕУ-НАТО со претседателката на Европската комисија Урсула фон дер Лајен.

„Знаеме дека мораме да го зајакнеме ова повеќе од 20-годишно партнерство бидејќи безбедноста на Европа е загрозена. Партнерството ЕУ-НАТО ќе стане уште поважно кога Финска и Шведска ќе станат полноправни членки на НАТО“,

изјави Фон дер Лејен за новинарите.

Since the start of Russia’s war on Ukraine, our EU-@NATO cooperation has only grown stronger.

Today with the new Joint Declaration we are bringing our partnership to the next level.

We will deepen our excellent cooperation and expand it to new areas ↓ https://t.co/X6oWqOsXoi

— Ursula von der Leyen (@vonderleyen) January 10, 2023

Таа, исто така, ја истакна важноста да се задржи „притисокот врз Кремљ“ при што нагласи дека ЕУ наскоро ќе воведе санкции за земјите, вклучувајќи ги Белорусија и Иран, кои воено ја поддржуваат руската војна во Украина.