(ВИДЕО) Европратеници бараат оставка од Вархеји, го обвинуваат дека ги нарекол идиоти

February 15, 2023
2 mins read

Инцидентот се случил додека унгарскиот комесар одговарал на низа прашања што му ги поставувале европратениците, а кои биле во фокус на зајакнувањето на политиката за проширување на Западен Балкан. Вархеји потоа седнал и, најверојатно, заборавајќи да го исклучи својот микрофон, на унгарски јазик рекол: „Уште колку идиоти останаа?”

По инцидентот, Вархеји објави дека жали за недоразбирањето што настанало околу неговата забелешка за време на седницата на Европскиот парламент, која, како што кажа, била извадена од контекст

Дел од пратениците во Европскиот парламент (ЕП) побараа оставка од еврокомесарот за проширување Оливер Вархеји обвинувајќи го дека тој на вчерашната пленарна седница на парламентот, одговарајќи на прашања од европратениците, ги нарекол идиоти, јави Еуроњуз.

Инцидентот се случил додека унгарскиот комесар одговарал на низа прашања што му ги поставувале европратениците, а кои биле во фокус на зајакнувањето на политиката за проширување на Западен Балкан, каде што повеќето земји се официјални кандидати за пристап во Европската Унија.

Седницата на ЕП траела околу час и половина кога кон крајот за збор се јавил хрватскиот европратеник Томислав Сокол, обвинувајќи ја Србија оти се однесува како хегемон во регионот и се меша во внатрешните работи на Црна Гора. Сокол потоа ја осудил Србија оти не воведува санкции против Русија како одговор на војната во Украина и прашал дали ЕУ е подготвена да ги прекине пристапните преговори додека Србија не ги исполни сите услови.

На ова, Вархеји рекол дека Србија е обврзана со истите услови како и секој друг кандидат за членство во ЕУ, а дека неусогласеноста со надворешната политика не е дел од критериумите врз основа на кои може да се прекинат пристапните преговори.

Вархеји потоа седнал и, најверојатно, заборавајќи да го исклучи својот микрофон, на унгарски јазик рекол: „Hány hülye van még?“, што се преведува како „Уште колку идиоти останаа?”

Аудиото и преводот се верификувани од изданието на Еуроњуз на унгарски јазик.

Медиумот пишува дека забелешката на унгарскиот комесар првично останала незабележана од службите на Европарламентот, додека унгарскиот европратеник Шандор Ронаи, кој припаѓа на социјалистичката група, не објавил видео од изјавата на Вархеји на својот профил на Твитер, што предизвикало бурни реакции кај другите членови на парламентот.

По инцидентот, Вархеји објави дека жали за недоразбирањето што настанало околу неговата забелешка за време на седницата на Европскиот парламент, која, како што кажа, била извадена од контекст.

„Искрено жалам за недоразбирањето околу мојата забелешка на пленарната седница на Европскиот парламент на 14 февруари 2023 година. Забелешката беше поврзана со приватен и тековен разговор на унгарски меѓу мене и мојот шеф на кабинет за сосема друга работа, која беше извадена од контекст. Се извинувам за евентуалното недоразбирање околу тоа“,

се наведува во извинувањето на еврокомесарот и се додава оти тој ги почитува сите институции на ЕУ, вклучително и Европарламентот и пратениците.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Пожар во Визбегово, смрдеа и чад забележливи и од Карпош

Следно

ЗЕМЈОТРЕСОТ ПРЕПОЛОВИ СЕЛО ВО ТУРЦИЈА – распуканата земја е застрашувачка, јужниот дел од селото е отцепено за два метри (ВИДЕО)

Latest from Blog

Седел четири дена на стол за тетовирање и трпел огромни болки- резултатот ги подели мислењата (ФОТО)

Фотографиите од тетоважата, која стана хит на интернет, привлекоа внимание не само поради нејзиниот исклучителен уметнички квалитет, туку и поради неверојатната издржливост на клиентот, објави Слободна Далмација. „Не знам како го издржа

Ѓорѓиевски: Ова е битка за иднината на Скопје, битка за враќање на надежта и достоинството на сите скопјани

Тука од каде што започна сѐ – дома, во МОЈАТА Кисела Вода и мојот народ! Јас немам зборови за да ви ја искажам мојата благодарност, едноставно се поклонувам пред вас мои сограѓани.

Ѓорѓиевски од Кисела Вода: Време е моделот на успех да го пренесеме на целиот град

Кандидатот за градоначалник на град Скопје, Орце Ѓорѓиевски, вечерва од Кисела Вода — општината каде што, како што рече, „сè започна“ — ја одржа својата прва голема промотивна средба со граѓаните. Пред

Мастантуоно за споредбите со Јамал: “Тој е одличен играч, но јас сум фокусиран на својата игра“!

ФОТО: Real Madrid FC/FB Франко Мастантуоно во целост ги оправдува средствата кои Реал Мадрид ги вложи во него. Младиот Аргентинец не ретко оваа сезона е стартер кај “кралевите“, игра добро, фановите на
Go toTop