Новото издание на емисијата „360 степени”, во кое гостува премиерот и лидер на СДСМ, Димитар Ковачевски, се емитува вечерва (7 декември 2023 г.) од 20:15 часот на МРТ 1
Вечерва (7 декември 2023 г.) од 20:15 часот во „360 степени“ на МРТ 1 гостува премиерот и лидер на СДСМ, Димитар Ковачевски. Имало ли доцнење во истрагата за убиствата на Вања Ѓорчевска и Панче Жежовски, како што тврди опозицијата? Чиј е Љупчо Палевски-Палчо? Ковачевски го прашуваме и зошто се согласи на двојни избори кога долг период зборуваше дека прво ќе се случат претседателските, а потоа парламентарните. Зошто да се укине пржинската влада, дали СДСМ, ДУИ и Алијанса за Албанците ќе настапат со заеднички листи, кој ќе биде претседателски кандидат, дали ќе прифати предизборно соочување со Христијан Мицкоски, какви му се односите со Зоран Заев, дали новиот антикризен пакет е предизборен поткуп на гласачи, зошто Владата не собра храброст да покаже базична самокритичност по извештајот на Европската комисија – се дел од другите теми за кои разговараме со премиерот.
Емисијата се емитува од 20:15 на МРТ 1.
ИЗВОР: 360stepeni.mk
