Претседателот Мицкоски во Вашингтон ја промовира Македонија на начин како што никогаш ниту еден политичар порано не ја промовирал, посочува Светислав Васев од ВМРО-ДПМНЕ.
Тој на својот Фејсбук профил напиша дека средбите и контактите кои се направени се камен темелник за една сосема поинаква иднина.
-Македонија од денес повеќе не е истата држава од изминативе 34 години. Резултатите од овие средби не само што ќе се гледаат во претстојниот период, туку и ќе имаат позитивни импликации во наредните децении. Состаноците кои се направени од страна на претседателот може да се поделат во два дела. 1.Политички состаноци со луѓе на Трамп, креаторите на политики и мислења во Вашингтон. 2. Средби со големи имиња од светот на бизнисот, кои ја движат светската економија, посочи тој.
Васев истакна дека од овие средби е јасен и фокусот на оваа влада за Македонија: Политичка стабилност; Квалитетна меѓународна претставеност; Економски развој.
Васев порача дека Македонија се трансформира.
ИЗВОР: kurir.mk
