Уште еден инцидент на Косово: Момче нападнато додека се враќало од божикна литургија

Инцидентот го потврди и регионалната полиција на Гнилане, која вода истрага за случајот, но оттаму засега нема детали за настанот

Група Албанци ноќеска околу 2 часот и 30 минути нападнале момче, кое со својот брат се враќало од полноќна божикна литургија во Клокот, соопшти Канцеларијата за Косово и Метохија, јавува „Н1“.

По завршувањето на богослужбата во црквата, Стефан Томиќ (18) се упатил кај тетка му, кога по пат бил нападнат од група Албанци, од кои некои ги препознал како обезбедувачи во локален ресторан, се додава во соопштението.

Стефан се здобил со повреди на окото, раката, стомакот и нозете, а лекарска помош побарал во здравствена установа во Витина.

Семејството целиот случај го пријавило во полиција, која до раните утрински часови го испрашувала Стефан за нападот.

Инцидентот го потврди и регионалната полиција на Гнилане, која вода истрага за случајот, но оттаму засега нема детали за настанот.

Ова е втор напад на Косово во два дена, откако вчера, oд возило во движење се пукаше во две момчиња во Готовуша додека носеле бадниково дрво.

Косовската полиција синоќа соопшти дека е уапсен 33-годишен маж, осомничен дека пукал и повредил две деца во близина на Штрпце. Приведениот е припадник на косовските безбедносни сили.