Уште две лица починаа од пожарот во Домот за стари лица во Тузла, бројот на жртви се зголеми на 15

Во изминатите 24 часа во УКЦ Тузла починале уште двајца пациенти кои ги задобиле повредите во пожарот во Домот за пензионери во Тузла.

Како што изјави Ерсија Ашчериќ Мујединовиќ, портпаролка на УКЦ Тузла, моментално на хоспитализација се наоѓаат пет пациенти.

„На Клиниката за анестезиологија и реаниматологија моментално се хоспитализирани двајца пациенти, од кои еден е на респиратор. На Клиниката за интерни болести има еден пациент, а на Клиниката за белодробни болести двајца пациенти“, додаде таа.

Во пожарот и како последица од повредите здобиени во пожарот во Домот за пензионери во Тузла, досега починале 15 лица, а повредени се 20.