АНКАРА (АА) – Штетите предизвикани за време на протестите поради убиството на 17-годишно момче од страна на полицијата Франција ја чинеше околу 650 милиони евра, пренесува Анадолу.
Вкупно 11.300 штети беа пријавени по протестите на 27 јуни, се вели во соопштението на француската Федерација на осигурители.
„Вкупната цена на штетите достигнува до 650 милиони евра: штетите на имотот поврзан со работа претставуваат 55 отсто, а оние на имотот на локалните заедници се 35 отсто“, се вели во соопштението.
Протести ја потресоа Франција кон крајот на минатиот месец, кога полицаец смртно го застрела Нахел М., 17-годишно момче од алжирско потекло, за време на сообраќајна контрола откако тој, наводно, ги игнорирал наредбите да застане во париското предградие Нантер.
Илјадници луѓе излегоа на улиците во Франција по убиството на Нахел.
Запалени се возила и јавни згради, вклучително градски сали и училишта, а полицијата уапси 4.000 луѓе, главно, тинејџери, изјави министерот за внатрешни работи Џералд Дарманин во Сенатот минатата недела.
Извор: www.aa.com.tr
