ЖЕНЕВА (АА) – Портпаролот на УНИЦЕФ, Џејмс Елдер, денес изјави дека потребен е „траен прекин на огнот“ меѓу Израел и Палестина, откако утрово заврши хуманитарната пауза во Газа, јавува Анадолу.
„Потребен ни е постојан прекин на огнот“, рече Елдер и предупреди: „Повеќе напади врз Газа нема да доведат до ништо друго освен до масакр.“
Тој рече дека бомбите почнале да паѓаат врз Газа „многу интензивно“, секунди по завршувањето на паузата.
Најмалку 32 Палестинци загинаа, а повеќемина се повредени откако Израел повторно започна со нападите во различни области на Појасот Газа, за време од три часа по завршувањето на паузата рано утрово, соопшти Министерството за здравство во енклавата.
