Унгарија го одложува гласањето за кандидатурата на Шведска за членство во НАТО

June 28, 2023
1 min read

Пратеничката од опозициската Демократска коалиција, Агнес Видаи на Фејсбук напиша дека унгарскиот премиер Виктор Орбан и неговата партија Фидес нема да закажат гласање за прием на Шведска за време на последната пролетна сесија следната недела

Унгарскиот Парламент денеска ја одложи ратификацијата на кандидатурата на Шведска за членство во НАТО до нејзината есенска седница, што значи дека нордиската земја нема да се приклучи на Алијанса пред или за време на Самитот на НАТО во јули.

Пратеничката од опозициската Демократска коалиција, Агнес Видаи на Фејсбук напиша дека унгарскиот премиер Виктор Орбан и неговата партија Фидес нема да закажат гласање за прием на Шведска за време на последната пролетна сесија следната недела.

Високи унгарски претставници изјавија дека го поддржуваат влезот на Шведска во алијансата, но поставија нејасни барања до Стокхолм како услов за прием.

Во март Унгарија испрати делегација во Шведска и Финска за да ги реши „политичките спорови“ кои предизвикаа сомневања кај некои пратеници на Фидес дали да ги поддржат нивните апликации за НАТО.

Владата на Орбан тврди дека шведските политичари кажуваат „чисти лаги“ за состојбата на демократијата во Унгарија, што, според него, оставило некои пратеници несигурни дали да ја поддржат кандидатурата за пристап.

Шведска и Финска аплицираа за членство во НАТО минатата година, напуштајќи ја долгогодишната политика на воено неврзување по руската инвазија на Украина. Барањето за членство мора да биде одобрено од сите земји на НАТО.

Турција го ратификуваше членството на Финска во НАТО на крајот на март, но и понатаму се противи на приемот на Шведска, тврдејќи дека во Шведска има пристаништа на милитантни групи кои Турција ги смета за терористички.

Извор: 360stepeni.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Шолц: Не треба да има нови условувања за С Македонија на патот кон ЕУ, за тоа јас гарантирам

Следно

Во поголемиот дел од САД загаден воздух поради пожарите во Канада

Latest from Blog

МНОГУ Е УБАВО Е ДА СИ АЛБАНСКИ ЗЕТ, А НЕ ГЛАВА ВО ФАМИЛИЈА – Вереникот на Дуа Липа е главен кандидат за улогата на Џејмс Бонд

Иако имиња како Арон Тејлор-Џонсон, Тео Џејмс и Џејмс Нортон се споменуваат со месеци, еден актер неочекувано се искачи на врвот на топ листите откако Даниел Крег го остави пиштолот во 2021

Британската авијација предупредува на можни прекини поради проблем со софтверот на „Ербас“

Британската служба за цивилно воздухопловство (CAA) денес објави дека се очекуваат можни прекини во работењето на авиокомпаниите и летовите во Велика Британија поради голема промена на софтверот на значителен број авиони Airbus

Песков: Путин ќе го прими Виткоф следната недела, Украина е во длабока криза

Рускиот претседател Владимир Путин ќе го прими специјалниот претставник на американскиот претседател Доналд Трамп, Стив Виткоф, во првата половина од следната недела, објави денес портпаролот на Кремљ, Дмитриј Песков, додавајќи дека Украина
Go toTop