Европските и украинските претставници денес го отфрлија новиот мировен план на американскиот претседател Доналд Трамп, за кој велат дека е во корист на Москва, предупредувајќи дека попуштањето пред Русија само ќе го охрабри нејзиниот претседател Владимир Путин уште посилно да ја продолжи својата агресија против НАТО.
Високата претставничка на ЕУ за надворешни работи и безбедносна политика, Каја Калас, му порача на тимот на американскиот претседател дека нивниот мировен план од 28 точки ќе пропадне бидејќи не е поддржан ниту од Киев ниту од Европската Унија, која сега е најголемиот донатор на Украина, пишува „Политико“.
„За да успее кој било мировен план, тој мора да биде поддржан од Украина и Европа. Притисокот мора да биде врз агресорот, а не врз жртвата. Наградувањето на агресијата само ќе го охрабри агресорот да продолжи уште посилно“, рече Калас по завршувањето на состанокот на министрите за надворешни работи на ЕУ.
Извор: tv21
