Украина: Зеленски ги продолжи мобилизацијата и вонредната состојба за уште 90 дена

КИЕВ (АА) – Украинскиот претседател Владимир Зеленски потпиша два закона за продолжување на мобилизацијата и вонредната состојба за уште 90 дена во земјата разурната од војна, јавува Анадолу.

Статусот на двата закона беше ажуриран денес на интернет-порталот на Врховната Рада (Парламентот на Украина).

Минатиот месец Парламентот гласаше за законите и го поддржа продолжувањето на мобилизацијата и на вонредната состојба до 9 ноември.

Зеленски првпат прогласи вонредна состојба и општа мобилизација на 24 февруари 2022 година, кога Русија започна „специјална воена операција“ во Украина. Оттогаш мерките ги продолжуваа неколкупати.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.