КИЕВ (АА) – Андриј Јермак, шеф на Кабинетот на претседателот на Украина, изјави дека се заинтересирани за учество на Кина во спроведувањето на „украинската формула за мир“, јавува Анадолу.
Кинескиот специјален пратеник Ли Хуи на 16 и 17 мај престојуваше во Киев, главниот град на Украина, каде што се сретна со украинските официјални претставници.
Заблагодарувајќи ѝ се на Кина за поддршката на суверенитетот и територијалниот интегритет на Украина, Јермак нагласи дека неговата земја ја почитува неповредливоста на границите на другите земји, како што е пропишано со Повелбата на Обединетите нации (ОН).
Истакнувајќи дека Украина се обидува да воспостави стабилен и праведен мир и да го врати нејзиниот територијален интегритет како што е предвидено со „формулата за мир“ на претседателот Владимир Зеленски, Јермак рече:
„Со оглед на тоа што агресијата се случи на територијата на нашата земја, „украинскиот мировен план“ вклучува сеопфатни одговори на сите закани од оваа војна. Заинтересирани сме за учество на Кина во спроведувањето на формулата за мир на Украина“.
Извор: www.aa.com.tr
