СУМИ (АА) – Бројот на загинати во нападот со балистичка ракета на руската војска врз градот Суми се зголеми на 30, а 84 лица се повредени, соопшти Украинската државна служба за вонредни состојби, пренесува Анадолу.
Украинскиот министер за внатрешни работи Игор Клименко истакна дека напорите за пребарување и спасување продолжуваат во областа на нападот.
Украинскиот претседател Владимир Зеленски во објава на својот профил на платформата Телеграм наведе дека Русија извршила напад врз Суми на празникот Цветници, кој се празнува во спомен на влегувањето на Исус во Ерусалим.
Нагласувајќи дека цел на нападот биле образовните институции и на живеалиштата во градот, Зеленски ги повика земјите да реагираат против Русија.
„Русија сака токму ваков вид терор и ја продолжува војната“, наведе Зеленски.
Извор: Anadolu Agency (AA)
