КИЕВ (АА) – Русија синоќа ја гаѓаше инфраструктурата на пристаништето на реката Дунав во напад извршен со беспилотни летала во регионот Одеса, во Украина, соопштија украинските власти, јавува Анадолу.
Олег Кипер, началник на Воената управа на областа Одеса во Украина, во изјавата на својот профил на социјалните мрежи рече дека руски војници синоќа извршиле уште еден напад врз овој регион.
Истакнувајќи дека Русите ја гаѓале инфраструктурата на пристаниште на Дунав, Кипер рече:
„Русите четири часа ги напаѓаа пристаништата со беспилотни летала ‘Шахед’. Нашите сили за воздушна одбрана уништија три беспилотни летала.“
Наведувајќи, исто така, дека во нападите се повредени шест лица, Кипер истакна дека хангарот натоварен со жито е уништен, а магацинот е оштетен.
Украинската заменик-министерка за одбрана, Ана Маљар, изјави дека украинската армија во изминатата недела ослободила повеќе од 12 квадратни километри на југ, додавајќи дека од почетокот на офанзивата на јужниот фронт се ослободени повеќе од 192 квадратни километри украинска територија.
Извор: www.aa.com.tr
