Украина не е подготвена за големата офанзива, ама нема друга карта

May 3, 2023
1 min read

Министерот за одбрана на Украина, Резников, порачува дека армијата само чека да се среди времето и наредба од командантите за тргне. Британски офицери кои работат со Украинците тврдат дека тие се подготвени за офанзивата и уверени во себе.

Наспроти нив се протечените американски разузнавачки проценки според кои не е веројатно дека Украина ќе постигне нешто повеќе од „умрени територијални придобивки“ против вкопаните руски сили.

Додека Столтенберг минатата недела објави дека 98% од ветеното западно оружје пристигнало во Украина, останува проблемот што Украинците го имаат со недостаток на воздушна одбрана заради што се значително изложени на ризик од руската авијација. Сомнежот кај Западот е и дали украинската војска ќе може доволно брзо да се адаптира на западните системи за да го искористи нивниот целосен капацитет.

Околу позицијата на Киев, американски одбранбен функционер коментира „Украинците нè изненадија и нас и Путин, меѓутоа сега имаат многу помалку простор за маневрирање… и Русите го знаат тоа.“ Притиснат е и самиот Зеленски кој за да го одржи нивото на поддршка од Западот, ќе мора да покаже дека инвестицијата во него се исплатела, плус да се справи со внатрешните притисоци за отфрлање на какви било преговори со Русија.

За Украина останува и проблемот со снабдувањето муниција за оружјето што го добива, ова главно се однесува на 155-милиметарските топовски гранати, кои до сега на фронтот се трошат во количини без преседан.

Од друга страна процените се дека руските сили веќе се ставени во одбранбен мод, заради што и нивните жртви се намалени за една третина. Ова посебно важи на јужните позиции од фронтот.

„Па, додека сили вон контролата на Зеленски го притискаат Киев да нападне, Москва колебливо е посветена на одбрана, потпирајќи се само на надежта дека ќе ја надживее украинската волја за отпор и западната подготвеност да плаќа за истиот. Ако се исклучат локализирани напади, ова е единствената стратегија што Путин сега може да ја примени…

…Иако и двете страни имаат значителна тактичка слобода, тие се стратешки ограничени. Украина мора да започне масовен напад; Русија мора да се обиде и да не им дозволи да постигнат победа за публика.

И двете имаат улога за играње, и сите го знаат сценариото – прашањето е колку добро ќе ги одиграат и ќе ги импровизираат своите улоги,“ пишува Марк Галеоти во анализата за британски Тајмс.

ИЗВОР: off.net.mk

VERO JUMBO MACEDONIA

EVN MACEDONIA

MARKETING

Претходно

Спој на македонското културно наследство и модерен накит на „Денови на филигранство и накит“

Следно

Со скок од 19 места, С Македонија е најдобро рангирана во регионот по слобода на медиумите, објави „Репортери без граници“

Latest from Blog

Редарите на „Енфилд“ спречија најсрамна сцена: Симеоне тргна во пресметка со навивачите (ВИДЕО)

Сјаен натпревар во рамките на 1. коло од Лигата на шампионите на „Енфилд“ одиграа екипите на Ливерпул и Атлетико Мадрид. Токму кога помисливме дека по петте постигнати голови и драматичната завршница на

Чудото Пафос, голеада во Прага за реми!

Фото: Славија Прага Х Олимпијакос не ја оправда фаворитската улога против дебитантот во Лигата на шампиони, Пафос, откако во Атина одиграа без голови 0-0. Колку беше немоќен грчкиот тим говори и фактот

Пронајдени шест деца заклучени во магацин во Милвоки

Шест деца, меѓу кои и едно двомесечно бебе, беа пронајдени заклучени во магацин во Милвоки, најнаселениот град во американската држава Висконсин. Полицијата реагирала откако добила пријави за деца заклучени во магацин. На

Зеленски: Ракети за западните ПВО системи ќе бидат дел од првата испорака во рамките на механизмот на НАТО за купување оружје од САД

Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките
Go toTop