Украина му одговори на Путин за божиќното примирје: Чувај си го лицемерието за себе

Советникот на Зеленски вели дека Русија е таа која окупира туѓи територии и примирје ќе има, како што вели, кога окупаторската војска ќе ја напушти Украина. За апелот на рускиот патријарх Кирил, пак, вели дека е цинична замка и потсетува дека токму руската црква поттикнуваше масовни убиства и повикуваше на милитаризација

Украинската страна ја нарече лицемерна наредбата на рускиот претседател Владимир Путин за прекин на огнот за време на Бадник и Божиќ.

Советникот на претседателот Володомир Зеленски, Михаило Подољак, порача дека примирје ќе има само тогаш кога руските сили ќе ги напуштат окупираните територии.

„Прво. Украина не напаѓа туѓа територија и не убива цивили како што прави Руската Федерација. Украина на своја територија уништува само припадници на окупаторската војска. Второ. Руската Федерација мора да ги напушти окупираните територии. Само тогаш ќе има ’привремено примирје‘. Чувајте го лицемерието за себе“,

напиша Подољак на Твитер.

First. Ukraine doesn’t attack foreign territory & doesn’t kill civilians. As RF does. Ukraine destroys only members of the occupation army on its territory…
Second. RF must leave the occupied territories – only then will it have a “temporary truce”. Keep hypocrisy to yourself.

— Михайло Подоляк (@Podolyak_M) January 5, 2023

Претходно, Кремљ објави дека Путин наредил 36 часовен прекин на огнот поради празнувањето на Бадник и Божиќ, кој би започнал утре (6 јануари) на пладне и ќе трае и на првиот ден од Божиќ односно до 7 јануари до полноќ.

Кремљ во соопштението наведе дека Путин издал таква наредба имајќи го предвид апелот на московскиот патријарх Кирил кој на такво нешто повика претходно во текот на денот.

Подољак претходно на Твитер го искоментира и апелот на патријархот Кирил потсетувајќи дека токму Руската православна црква (РПЦ) на чело со него ја поддржа војната на Путин во Украина и повика на милитаризација.

„РПЦ не е авторитет на глобалното православие и таа делува како ’воен пропагандист‘. РПЦ повика на геноцид вр Украинците, поттикна масовни убиства и инсистираше на уште поголема милитаризација на Руската федерација. Оттука, изјавата од РПЦ за ’божиќно примирје‘ е цинична замка и уште дел од пропагандата“,

наведе Подољак.

ROC is not an authority for global Orthodoxy & acts as a “war propagandist”. ROC called for the genocide of Ukrainians, incited mass murder & insists on even greater militarization of RF. Thus, ROC’s statement about “Christmas truce” is a cynical trap & an element of propaganda.

— Михайло Подоляк (@Podolyak_M) January 5, 2023