УЈП: 30% од контролираните со неправилности, затворени четири субјекти

August 6, 2025
1 min read

Во периодот од 28 јули до 03 август 2025 година, Управата за јавни приходи (УЈП) спроведе вкупно 214 теренски контроли за фискализација, насочени кон различни типови деловни субјекти, меѓу кои: ресторани, кафе барови, шанкови на плажа, слаткарници, колонијали, продавници за облека и накит, хотел, автопревозници, паркинзи и други трговски објекти за продажба на мало.

Контролите беа реализирани низ државата во повеќе градови, меѓу кои и туристичките места каде во летниот период има зголемена фреквенција на туристи.

Од 214 контролирани субјекти, кај 30,8%, односно кај 66 од контролираните се утврдени неправилности согласно Законот за регистрирање на готовински промет.

За утврдените неправилности донесени се 66 прекршочни санкции – глоби, кои ќе бидат одмерени согласно големината на субјектот. За четири, односно три субјекти од Охрид и еден од Струга, поради повторено неиздавање фискални сметки во рок од две години, изречена е мерка за привремена забрана за вршење дејност (запечатување).

Анализата на спроведените контроли и утврдените неправилности по градови е следна:

             •                Во Скопје извршени се 14 контроли и при истите утврдени се 4 неправилности;

             •                Во Струга, Охрид и Битола извршени се 126 контроли, а утврдени се 29 неправилности од кои 11 неправилности во Струга и 18 во Охрид

             •                Во Прилеп извршени се 7 контроли, a утврдени се 3 неправилности;

             •                Во Тетово, Гостивар извршени се 32 контроли, а утврдени се 14 неправилности од кој 13 во Тетово и една во Гостивар

             •                Во Штип, Неготино, Демир Капија, Кавадарци Велес и Куманово извршени се 35 контроли, а утврдени се 16 неправилности, по една неправилност во Неготино и Кавадарци, 2 во Демир Капија, 3 во Штип, 4 во Велес и 5 неправилности во Куманово.

Апелираме до сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата.

Управата за јавни приходи врз основа на извршените контроли согласно Закон за регистрирање на готовински плаќања, ќе врши вкрстени проверки со цел да ја провери веродостојноста на искажаните приходи кај даночните обврзници.

Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување.

Управата за јавни приходи останува цврсто посветена на доследна примена на законите и обезбедување еднаков третман за сите даночни обврзници.

ИЗВОР: ТВ 21

MARKETING

MARKETING

Претходно

Омерагиќ го оствари ветувањето – ВАР системот пристигна во македонскиот фудбал

Следно

Орце Ѓорѓиевски: Скопската чаршија заслужува внимание и вистинска грижа

Latest from Blog

Миграцијата ја зголемува потребата за негуватели – во Кичево Црвениот крст со 25 негуватели помага на 77 стари лица

Една од најбараните услуги од граѓаните до Црвениот крст е грижата за постарите лица кои живеат сами и се во потешка здравствена состојба. Оваа услуга започна да се пружа во 2022 година,

Скопје ќе биде светска ракометна престолнина во 2026: Македонија домаќин на Светското училишно првенство

Македонија ќе го пречека светот следната година како домаќин на Светското училишно првенство во ракомет, што ќе се одржи од 20 до 29 април 2026 година. Престижниот спортски настан ќе се реализира

Мали грчки острови размислуваат да воведат туристичка такса за еднодневните посети

Малите грчки острови Пакси и Итака во Јонското море, размислуваат за можноста да побараат воведување специјална такса за еднодневни посети на туристите поради прекумерниот туризам, следејќи го примерот на островот Сими, пишува

Ердоган: „Турција е лидер во светот во археолошки откритија“

ИСТАНБУЛ (АА) – „Турција е лидер во светот во археолошки откритија, на копно и под вода“, изјави турскиот претседател Реџеп Таип Ердоган денес на Меѓународниот симпозиум за археологија во Анкара, јавува Анадолу.

Загинаа 25 Палестинци при превртување на камион со хуманитарна помош, 19 убиени од израелски истрели

ГАЗА/ИСТАНБУЛ (АА) – Најмалку 25 лица загинаа, а десетици се повредени при превртување на камион со хуманитарна помош врз толпа луѓе што чекаа испорака на помош, а денес израелската армија уби уште
Go toTop