Учебната година во Србија завршува на 6 јуни, зградата на ОУ „Владислав Рибникар“ ќе остане училиште

Основното училиште „Владислав Рибникар“, во кое пред речиси еден месец се случи масовно убиство во кое 13-годишник уби девет ученици и чуварот, ќе остане училиште. Тоа ќе се реконструира и ќе се изгради меморијален дел во спомен на децата и училишниот чувар, се вели во соопштението на Владата

Учебната година во Србија, во сите основни и средни училишта, ќе заврши на 6 јуни. Училиштата можат да продолжат со работа до 20 јуни, за учениците кои ќе го сакаат тоа, се вели во соопштението од Владата на Србија.

Одлуката за завршување на учебната година од Владата на Србија велат дека е поради трагедиите кои длабоко го погодија целото општество.

„Во овој момент е поважно од кога било да се фокусираме на она што е најдобро за нашите деца, бидејќи тие ја заслужуваат нашата целосна поддршка, љубов и грижа. Училиштата можат да продолжат со работа до 20 јуни, за учениците кои сакаат. Во тој период може да се организираат додатна, дополнителна и подготвителна настава, настава во природа, како и други облици на воспитно-образовна работа, со цел да се поттикнат социјалните и емоционалните вештини и активности на теми толеранција, емпатија, заедништво, поддршка и благодарност“,
се додава во соопштението.

Исто така, се нагласува дека сите ученици кои не се задоволни од својот успех ќе имаат можност да ги поправат оценките на нивно лично барање до 20 јуни.

Ден на враќање на учениците во „Рибникар“: Се појавиле само половина од децата, делот каде што се случи масакрот не се користи

Основното училиште „Владислав Рибникар“, во кое пред речиси еден месец се случи масовно убиство во кое 13-годишник уби девет ученици и чуварот, ќе остане училиште, се вели во соопштението на Владата.

Десетта жртва во масакрот во „Рибникар“: Почина девојчето со тешки повреди на главата

„Ќе се реконструира и во текот на реконструкцијата ќе се изгради меморијален дел во спомен на децата и училишниот чувар“,
наведуваат од Владата на Србија.

Родители на ученици во „Владислав Рибникар“: Децата ни ги убија на училиште, прекинете ја наставата

По вонредниот увид во училиштето „Владислав Рибникар“ се потврдија наодите на Центарот за социјална работа, Министерството за образование и Министерството за семејна грижа, дека во ова училиште немало врсничко насилство во однос на малолетникот. К.К.

„Токму затоа бараме од сите медиуми со должно внимание да се однесуваат кон овие информации и да не објавуваат непотврдени информации бидејќи со тоа продолжува процесот на трауматизирање на децата и родителите“,
се нагласува во соопштението.

Се огласи семејството на детето што го изврши масакрот во „Рибникар“: Тој 3 мај завладеа вечна тишина, секоја загуба е и наша

Според претходниот училишен календар, учебната година за учениците од прво до седмо одделение во основните училишта требаше да трае до 20 јуни 2023 година, а за осмо одделение до 6 јуни.

За некои средношколци, до минатата година, последен училишен ден бил 30 мај, а за други 20 јуни.