Турскиот министерот Фидан на американскиот колега Блинкен му рекол дека треба да се прогласи прекин на огнот во Газа

АНКАРА (АА) – Министерот за надворешни работи на Туркије, Хакан Фидан, му порача на американскиот државен секретар Антони Блинкен дека во Газа треба да се прогласи прекин на огнот без губење време и Израел треба да ги прекине нападите врз Либан, известува Анадолу.

Според информациите добиени од турското Министерство за надворешни работи, министерот Фидан телефонски разговарал со неговиот американски колега Блинкен.

Министерот Фидан на средбата посочил дека хуманитарната ситуација, особено во северниот дел на појасот Газа, достигнала катастрофално ниво и се осврнал на важноста од непречена испорака на хуманитарна помош во Газа.

Во разговорот, во кој биле оценети и последните случувања во Либан, министерот Фидан истакнал дека сите страни треба да се однесуваат воздржано за да се спречи ширењето на војната низ регионот и навел дека во Газа треба да се прогласи прекин на огнот без губење време и Израел треба да ги прекине нападите врз Либан.

На средбата станало збор и за најновата ситуација во Украина. Во текот на разговорот Блинкен изразил сочувство за загинатите во терористичкиот напад што вчера беше извршен во Анкара.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.