АНКАРА (АА) – Турското знаме денес е подигнато во амбасадата на Туркије во Дамаск, а активностите на амбасадата продолжија по 12 години, известува Анадолу.
Опозицијата, која од 27 ноември во Сирија се судри со режимските сили на Башар ал Асад во западниот дел на Алепо, на 8 декември ја презеде контролата врз главниот град Дамаск, соборувајќи го 61-годишниот режим на партијата Баас.
Турското знаме денеска е подигнато во амбасадата на Туркије во Дамаск.
Активностите на турската амбасада беа прекинати во 2012 година, но денеска повторно официјално се обновени.
Турскиот амбасадор во Нуакшот, Мавританија, Бурхан Ќороглу на 12-ти декември е назначен за привремен вршител на должност во амбасадата на Туркије во Дамаск.
Турската амбасада се наоѓа во близина на Равда Мејда, каде се концентрирани дипломатските претставништва во Дамаск.
Амбасадата на Туркије работеше извесно време во периодот кога тогашниот режим прибегнуваше кон насилство врз мирните демонстранти, но ги прекина секојдневните активности на 26 март 2012 година.
Хакан Фидан, турскиот министер за надворешни работи, во петокот најави дека турската амбасада во Дамаск од 14 декември повторно ќе биде во функција.
Башар ал Асад, лидерот на Сирија речиси 25 години, побегна во Русија откако антирежимските групи ја презедоа контролата врз Дамаск, ставајќи крај на режимот на партијата Баас, која беше на власт во Сирија од 1963 година.
Извор: Anadolu Agency (AA)
