ДУБАИ (АА) – Канцеларијата за комуникации при Претседателството на Туркије ги презентираше политиките на земјата за животната средина на Самитот на Обединетите нации (ОН) за климатски промени (COP28) што се одржува во Обединетите Арапски Емирати (ОАЕ), јавува Анадолу.
Канцеларијата за комуникации отвори штанд за презентирање на начинот за справување на земјата со отпадот, на политиките за обновливи извори на енергија и иницијативата за нула отпад, иницирана под покровителство на првата дама на Туркије, Емине Ердоган.
Учесниците покажаа голем интерес за штандот, каде што на ЛЕД-екрани се прикажуваат видеа за политиките на Туркије за животната средина, климатските промени и нула отпад.
Дирекцијата за комуникации ги изложи и книгите „Иницијатива за зелен развој на Туркије“ и „Патешествието на Туркије до нула отпад за свет погоден за живеење“.
На Климатскиот самит ќе присуствуваат над 180 шефови на држави и влади од целиот свет. Забележителен е значителниот број барања за присуство на Самитот, што надминува 500.000 учесници.
Конференцијата планирано е да продолжи до 12 декември во Експо Сити Дубаи, место кое земјата го смета за паметна и футуристичка дестинација за бизнис и иновации.
