Според најновите податоци од Државниот завод за статистика, бројот на туристи во Македонија во периодот од јануари до ноември 2024 година се зголемил за 8,3 отсто во однос на истиот период од претходната година.
Иако бројот на домашните туристи е намален за 1% во споредба со минатата година, бројот на странските туристи забележал значителен пораст од 13,8 отсто. Во ноември 2024 година, Македонија ја посетиле вкупно 66.701 туристи, од кои 31,6% биле локални, а преостанатите 68,4% потекнувале од странство.
Овие бројки се позитивен сигнал за туристичката индустрија во земјата и ја потврдуваат растечката привлечност на Македонија како дестинација за странски туристи.
ИЗВОР: ТВ 21
