Во соопштението на српското МВР, кое го пренесе Танјуг, се наведува дека припадниците на Антитерористичката група на Специјалната полициска единица лоцирале и уапсиле тројца припадници на косовската полиција Р.З., Б.С. и М.Ш. во административната зона кон Косово, далеку во длабочината на територијата на централна Србија
Припадниците на специјалните единици на српската полиција денеска уапсија тројца вооружени припадници на косовската полиција на територијата на централна Србија.
Во соопштението на српското МВР, кое го пренесе Танјуг, се наведува дека припадниците на Антитерористичката група на Специјалната полициска единица лоцирале и уапсиле тројца припадници на косовската полиција Р.З., Б.С. и М.Ш. во административната зона кон Косово, далеку во длабочината на територијата на централна Србија.
Сите тројца уапсени биле вооружени со автоматско оружје и во целосна воена опрема со ГПС уреди, мапи и друга опрема.
„Успешно е спречен обид на косовската полиција да изврши инвазија на територијата на централна Србија и да спроведе акција која по сите параметри е терористички акт со цел дополнителна дестабилизација и ескалација на конфликтот насочен против Република Србија. Полицијата во соработка со надлежното обвинителство ќе продолжи со понатамошната работа,
се вели во соопштението на полицијата.
На фотографиите кои ги објавија српските медиуми се гледаат тројца припадници на косовската полиција кои се уапсени, како и автоматски пушки, опрема за надзор, радио врски, мапи…
Албанскиот сајт „Коха“ наведува дека настанот се случил во близина на административниот премин Јариње.
Извор: 360stepeni.mk
