Три турски телевизиски мрежи казнети за критики кон властите по земјотресите

February 22, 2023
1 min read

Турскиот Висок совет за аудиовизуелна комуникација казни три телевизиски мрежи кои ја критикуваа владата за управување со последиците од земјотресот, што на 6 февруари го погоди јужниот дел на земјата.

На телевизиите „Халк ТВ“, „Теле 1“ и „Фокс“ им се изречени и парични казни и привремена забрана за емитување поради „информации и коментари за земјотресот“, напиша на Твитер Илхан Ташчи, член на РТУК од редовите на опозицијата, пренесе Хина.

„Халк ТВ“ и „Теле 1“ се казнети со пет отсто од прометот во јануари и пет дена забрана за емитување на дневната програма.

„Фокс ТВ“ доби казна од три отсто од прометот во јануари.

Трите мрежи се познати по тоа што ја критикуваат владата на претседателот Реџеп Таип Ердоган, а „ТВ Халк“ е особено блиска до главната опозициска Народно-републиканска партија (ЦХП).

Опозицијата и независните медиуми ја критикуваат Владата за отсуство и слабата реакција во првите денови по земјотресот што беше со јачина од 7,8 степени според Рихтер.

Ердоган минатата недела призна дека има „неуспеси“ во организирањето на помошта, оправдувајќи се со силината на земјотресот.

-Нивната неспособност ги чинеше животите на десетици илјади наши сонародници, рече претседателот на ЦХП Кемал Киличдароглу.

Турција, која во октомври минатата година усвои закон со кој објавувањето „лажни вести“ се казнува до три години затвор, во 2022 година беше рангирана на 149-то место во однос на слободата на медиумите од 180 земји, соопштија „Репортери без граници“ (РСФ).

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Заврши самитот на „Б9“ во Варшава со декларација за засилување на колективната одбрана и помошта за Украина

Следно

Николов: По две недели криење разбравме дека има крах на здравствениот систем, затоа потребно е надлежните да преземат одговорност за колапсот со здравствениот систем

Latest from Blog

Ретки лековити соединенија откриени во марихуаната

Истражувачки тим од Универзитетот Стеленбош во Јужна Африка неодамна откри ретка група фенолни соединенија наречени флавоалкалоиди во листовите од канабис. Овие соединенија претходно беа непознати како составен дел на марихуаната и се

Во Франција за утре најавени 250 протести, се очекува да учествуваат над 800.000 луѓе

Во Франција се најавени 250 собири низ целата земја по повод Денот на социјалната мобилизација утре, 18 септември, а проценките укажуваат на можноста бројот на демонстранти да достигне 800.000. Се очекува масовен

Дневен хороскоп за среда – 17 септември: Подобрување на финансиската ситуација за три хороскопски знаци

Овен Погледнете ги работите низ очите на другите – нивните ставови моментално имаат поголемо влијание од вашите. Поврзете се со околината и не се двоумете премногу. Љубовта изгледа далеку, но животните предизвици

Правилникот на ДИК за собирање потписи за кандидатските листи за локалните избори пред Уставен суд

На денешната седница на Уставниот суд ќе се дискутира по предметот во кој е оспорен Правилникот за регулирање на постапката за собирање потписи за поддршка на кандидатските листи поднесени од група избирачи
Go toTop