Три лица загинаа, а едно е тешко повредено откако хеликоптер се урна на поле за време на час по летање во близина на одморалиште на британскиот остров Вајт, соопшти полицијата.
Полицијата од Хемпшир и островот Вајт соопшти дека не може да даде дополнителни информации за жртвите или околностите на инцидентот.
Британските медиуми објавија дека операторот, „Нортамбрија Хеликоптер“, потврдил дека еден од нивните авиони, модел G-OCLV, бил вклучен во несреќата за време на обука за летање.
Полицијата претходно денес соопшти дека хеликоптер се урнал на поле во близина на одморалиштето Вентнор.
Претходно беше објавена информација само за урнат хеликоптер, но во тој момент не беше познато дали има жртви.
Извор: tv21
