Трамп за несреќата близу Вашингтон: „Хеликоптерот ‘Блек хок’ летал премногу високо“

ХАМИЛТОН (АА) – Американскиот претседател Доналд Трамп денес рече дека воениот хеликоптер што се судри со комерцијален авион „леташе премногу високо“, пренесува Анадолу.

„Хеликоптерот ‘Блек хок’ леташе премногу високо, премногу. Далеку над границата од 200 стапки. Тоа навистина не е премногу комплицирано за да се разбере, нели?“, напиша Трамп на својот профил на мрежата „Truth Social“.

Според „Вашингтон пост“, анонимен извор рекол дека досега се извлечени повеќе од 40 тела.

Во средата, авион на „Американ ерлајнс“ се судри со воен хеликоптер во близина на Националниот аеродром „Роналд Реган“, недалеку од Вашингтон.

На летот 5342 од Вичита, Канзас, имало 60 патници и четворица членови на екипажот кога при лет се судри со армиски хеликоптер „Блек хок“ со тројца војници. И двете летала паднаа во реката Потомак.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.