Американскиот претседател Доналд Трамп одржа долг телефонски разговор со украинскиот претседател Володимир Зеленски, а потоа разговараше со лидерите на НАТО по средбата со рускиот претседател Владимир Путин, соопшти Белата куќа.
Американскиот претседател Доналд Трамп и неговиот руски колега Владимир Путин не открија како да ги решат точките на спор што го спречуваат мирот во Украина по „конструктивната средба“, но изразија оптимизам дека војната може да се запре преку враќање на дијалогот и благодарение на нивните добри односи.
Претходно се очекуваше средбата меѓу Трамп и Путин во Алјаска и заедничката прес-конференција да резултираат со конкретен напредок по голем број точки на спор меѓу вклучените страни, а во најдобар случај, со прекин на огнот.
Трамп претходно објави дека неговата цел на средбата во Алјаска е да постигне прекин на огнот.
Русија окупираше една петтина од украинската територија и повторува дека Киев мора да ја прифати „реалноста на теренот“, додека Украина и нејзините европски сојузници одбиваат да прават територијални отстапки.
Во своето прво телевизиско интервју по средбата со Путин, американскиот претседател рече дека верува оти се блиску до договор и го советуваше украинскиот претседател да се согласи со него.
Извор: tv21
