Администрацијата на Трамп ги стави на платено административно отсуство речиси сите 4.700 вработени во УСАИД ноќеска на полноќ и последователно ќе укине 1.600 од тие позиции како дел од „намалувањето во сила“, според меморандумот што беше широко дистрибуиран до персоналот на агенцијата во неделата попладне и подоцна објавен на веб-страницата на УСАИД.
Меморандумот вели дека прекинатите позиции ќе бидат со седиште во САД. Дополнително, се наведува дека ќе има „доброволна“ програма за вработените со полно работно време стационирани во странство да се вратат во САД.
Вработените ставени на одмор ќе продолжат да имаат пристап до е-пошта за следење „за понатамошни насоки“, но не им е дозволен пристап до досиејата на агенцијата без дозвола. Вработените стационирани во странство ќе имаат пристап до „агенциски системи и до дипломатски и други ресурси“, се вели во меморандумот.
Хистерија кај опозициски настроените „експерти“ и активисти секојдневно станува се поголема, а деновиве на удар се најдоа американскиот претседател, американскиот потпретседател, државниот секретар на САД, како и други високи функционери од администрацијата на Трамп, кој се реши да ја укине Агенцијата УСАИД, затоа што во истата цветало криминал и корупција.
Еден од нив е токму и Сашо Ордановски, кој имаше скандалозно интервју на Канал 5 телевизија во четвртокот каде што американскиот претседател Доналд Трамп го нарече „неук и рекетар“, со погрдни зборови исто така ги нападна заменик претседателот на САД Венс, државниот секретар Марко Рубио и Илон Маск.
Ваквата нервоза доаѓа откако Трамп реши да ги укине сите финансии за сите проекти кои што се започнати, како и тие кои што требало да започнат.
Најактуелен и најбрутален беше Ордановски, а причината најверојатно токму укинувањето на финансиските средства кои доаѓаа токму од САД, од каде што добивал разно разни грантови. Верувале или не, Сашо Ордановски од УСАИД добил пари за проект во Малави.
ИЗВОР: kurir.mk
