Трамп му честита на турскиот претседател Ердоган за „добро заслужената победа“

ВАШИНГТОН (АА) – Поранешниот американски претседател Доналд Трамп му честита на турскиот претседател Реџеп Таип Ердоган за неговата „добро заслужена победа во вториот круг од претседателски избори“ што се одржаа денес, пренесува Анадолу.

„Честитки до претседателот Реџеп Таип Ердоган за неговата голема и добро заслужена победа во Туркије“, порача Трамп преку својата медиумска платформа „Truth Social“.

„Добро го познавам, тој е пријател и од прва рака видов колку ги сака својата земја и големиот народ на Туркије, кој го подигна на ново ниво на проминентност и почит“, напиша Трамп.

Ердоган е реизбран за претседател на Туркије во вториот круг од изборите, соопшти претседателот на Врховниот изборен совет на Туркије (ЈСК), Ахмет Јенер.

За новинарите во главниот град Анкара, Јенер изјави дека Ердоган ја добил претседателската трка над својот противкандидат од опозицијата Кемал Киличдароглу во вториот круг избори.

Според неофицијалните резултати, актуелниот турски претседател победи на изборите со освоени 52,14 отсто од гласовите, додека Киличдароглу освои 47,86 отсто, истакна Јенер, додавајќи дека досега се отворени 99,43 отсто од гласачките кутии.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..