Тошковски во офанзива против трулите јаболка во полицијата – Според Ѓурчески, Спасовски ја претворил внатрешна контрола во монструм сектор

November 9, 2024
1 min read

На трулите јаболка, како што ги нарече министерот за внатрешни работи Панче Тошковски, во системот на МВР, им се поднесуваат кривични пријави согласно доказите од истрагите кои се водат во Министерството.

Тошковски, во гостување во Алфа телевизија, истакна дека Секторот за внатрешна контрола и професионални стандарди при Министерството, е еден од секторите кои макотрпно работат и даваат одлични резултати споредено со претходно.

-Полека полека се шири перцепцијата дека не може да се злоупотребува значката и полициските овластувања и тоа е добро. Значи се движиме во правилна насока од тој аспект, изјави Тошковски.

Во изјава за Курир, експертот за криминалистика и поранешен началник во МВР Љубомир Ѓурчески, ги анализираше состојбите во Секторот и последните спроведени акции, во кои од другата страна на законите се најдоа и поранешни полициски службеници.

Смета дека корупцијата во изминатите седум години го разградила МВР, а криминалци биле поставувани на функции.

-Во 2017 година Секторот за внатрешна контрола и професионални стандарди се претвори во монструм сектор. Имаше постојан притисок врз полициските службеници. Криминалците се жалеа, огромен број на пријави, полицајците се плашеа. Спасовски го направи СВКПС плашило кон полициските службеници да не применуваат овластувања согласно законот, вели Ѓурчески.

Потсетува и на случајот со „пајакот“ и полициската службеничка, додавајќи дека тогаш СВКПС наместо да ја заштити полицајката, го ослободи криминалецот. Екс началникот вели дека политиката во никој случај не треба да се става над законите.

Ѓурчески го повтори неговиот став дека Секторот за внатрешна контрола и професионални стандарди треба да се расформира, да се постави цивилна контрола врз силата, да се вклучат и граѓаните, новинарите. По однос на МВР, нагласува дека потребни се и суштински реформи, како и поставување на соодветно обучени кадри со соодветно образование и стручност. Верува дека новиот министер ќе работи кон подобрување на состојбите во министерството.

-Очекувам реално да ја вратат професионализацијата во МВР и довербата на граѓаните во институцијата. Дојдено е време, мора нешто да се прави, да се подобрат состојбите. Вака не оди веќе, ако сакаме да бидеме држава, вели тој.

Ѓурчески очекува дека истрагите ќе продолжат во иднина. Смета дека во моментот, истражните органи работат внимателно, а министерот во јавните настапи ја штити истрагата.

Поранешниот началник напомена и дека важна улога во овие случаи има и обвинителството, а институцијата треба да покаже дека не е неефикасна како во минатото.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

ИЈЗ: Три нови случаи на голема кашлица во Македонија

Следно

Скопје на седмо место по загаденост во светот

Latest from Blog

10 начини да ја победите зимската депресија: Препознајте ги знаците навреме

Сезонското афективно растројство (САП) е повеќе од само чувство на депресија во текот на зимските месеци. Тоа е вистинска, дијагностицирана состојба на менталното здравје која влијае на сè, од физичко здравје до

Независни синдикати: Постои извесна можност околу 27.000 работници во Србија да ги изгубат своите работни места

Асоцијацијата на слободни и независни синдикати (АСНС) денеска објави дека според нивни проценки – поради неизвесното работење и опстанокот на стратешките компании, постои извесна можност околу 27.000 работници во Србија да ги

Се запали фабрика во Бангладеш – најмалку девет мртви, пожарникарите извлекуваат тела од урнатините

Девет лица загинаа, а неколку други се повредени во пожар во фабрика за облека во Дака, соопштија противпожарните служби. Пожарникарот Талха бин Јашим изјави дека пожарот избувнал во фабриката, во која се
Go toTop