Министерот за внатрешни работи, Панче Тошковски, соопшти дека истрагата за полицаецот од Куманово, кој на Денот на албанското знаме го симнал албанското знаме од јарбол на улица, не утврдила прекршување на полициските процедури.
„Одделот за внатрешна контрола не утврди дека полицаецот прекршил било каква стандардна оперативна процедура во рамките на Министерството за внатрешни работи. Подетални информации ќе бидат достапни во наредниот период“, изјави Тошковски.
Во исто време, поради сквернавење на македонското и албанското знаме, уапсени се 17 лица, од кои голем дел се малолетници.
ИЗВОР: racin.mk
