Топ 10 ѕвезди што нема да ги гледате на Светското првенство во 2025 година!

January 14, 2025
1 min read

Светското првенство во ракомет почнува денеска, а се одржува во Хрвтска, Норвешка и Данска. Претходната 2024 година беше со настани, поточно пренатрупана со распоред и бројни натпревари, што си го направи своето и попречи добар дел од играчите кои поради повредите нема да им бидат достапни на репрезентациите.

Никола Билиќ: Нема да им биде достапен на Алеш Пајовиќ и Австрија. Австрискиот капитен ќе го пропушти Мундијалот поради повреда на бутниот мускул.

Омар Инги Магнусон: Исланд ќе остане без најважниот играч и плејмејкер на ова првенство, играчот на Магдебург кој заработи тешка повреда на зглобот на мечот од Бундеслигата против Битигхајм, а неговото враќање на терените би можело да дојде дури на крајот на февруари.

Феликс Клар: Средниот бек на Магдебург и шведската репрезентација се уште нема одиграно ниту еден натпревар во новата сезона поради повреда на Ахиловата тетива, па операцијата беше неизбежна по завршувањето на Олимпијадата во Париз во 2024 година.

Харалд Рајнкинд: Норвешкиот интернационалец и десен бек од Кил исто така ќе го пропушти Светското првенство. На Олимпијадата имаше проблеми со повреди на двете петици, па по враќањето од Париз беше опериран. Се уште не се знае кога може да се очекува враќањето на норвешкиот десен бек.

Мадс Хоксер: Десниот бек на Алборг и репрезентацијата на Данска нема да игра на Светското првенство оваа година. 24-годишниот Хоксер го повреди рамото во октомври, по што беше опериран и треба да отсуствува пет месеци.

Јери Толбринг: Левото крило на Шведска исто така го пропушта планетарното првенство. Толбринг се здоби со скинати лигаменти на коленото на мечот од Лигата на шампионите во игра за ФК Берлин против Пари Сен Жермен.

Оскар Бергендал: Уште еден шведски репрезентативец и пивот на Магдебург нема да му биде на располагање на Микаел Апелгрен. На мечот од Бундеслигата против Гумерсбах, Бергендал го повреди скочниот зглоб при незгодно приземјување и се очекува да биде надвор од терените најмалку три месеци.

Макс Дарј: Вистинскиот кошмар продолжи за Шведска кога по повредата на Бергендал следен на листата на повредени се најде Макс Дарј. Пивотменот на Фиксе Берлин заработи повреда на лигаментите на коленото на пријателскиот натпревар меѓу Шведска и Исланд, па на негово место во тимот ќе дојде Андреас Нилсон.

Мануел Зендер: Швајцарија е без својот најдобар играч. На пријателскиот натпревар против Италија, плејмејкерот на Магдебург заработи тешка повреда на предните вкрстени лигаменти на коленото, што речиси сигурно ќе ја заврши сезоната со долг период на опоравување.

Арон Палмарсон: Лоши вести за Исланѓаните. По Омар Инги Магнусон, Светското првенство го пропушта и капитенот на Викинзите Арон Палмарсон. Селекторот на репрезентацијата, Снори Гудјонсон, ја објави лошата вест дека искусниот среден бек, сега нов стар член на Веспрем, нема да игра за Исланд поради повреда на мускулот на потколеницата.

Извор: kurir.mk

MARKETING

MARKETING

MARKETING

Претходно

Во израелските напади убиени уште 61 Палестинец, билансот надмина 46.600

Следно

Турскиот министер Болат: Туркије очекува забрзување на преговорите за Царинската унија

Latest from Blog

Мицотакис го предложи претседателот на Парламентот Константинос Тасулас за шеф на државата

Претседателот на грчкиот Парламент Константинос Тасулас е предлогот на Нова демократија за кандидат за претседател на Грција, како што претпладнево, во ТВ порака до граѓаните, соопшти грчкиот премиер Кирјакос Мицотакис, јави дописничката

Министерот Муртезани во посета на Анкара, во фокус турските стипендии

АНКАРА (АА) – Министерот за европски прашања на Северна Македонија, Орхан Муртезани, се сретна со претседателот на Претседателството на Турците во странство и сродните заедници (YTB), Абдула Ерен, јавува Анадолу. Според соопштението

Норвешка: Само дводржавното решение може да донесе вистински мир во долготрајниот израелско-палестински конфликт

АТИНА (АА) – Министерот за надворешни работи на Норвешка, Еспен Барт Еиде, денес изјави дека дводржавното решение може да донесе вистински мир во долгогодишниот израелско-палестински конфликт, јавува Анадолу. Во своето обраќање на
Go toTop